24 Oktoba | EMTV Nesenel Nius Long Tok Pisin

GUTNAIT TRU, Hia nau em nius long tok pisin

UN TURNS 73
Tete i makim namba 73 krismas blong Yunaitet Nesens, long mekim wok blong strongim pasin belisi long wol.
UN Residen Kodineta, GIANLUCA RAMPOLLA, i tok Yunaitet Nesens i amamas long wok wantaim PNG gavman long laspla 40pla yiar.

NO CANCER STATISTICS
Papua Niugini Kensa Faundesin i save halivim long givim stia tok na tok klia long hevi blong sik kensa long laip blong ol manmeri long kantri.
Planti manmeri i no save olsem ol i gat sik kensa, inap long taim em i abrusim taim pinis long traim na daunim.
Narapla bikpla hevi i stap nau, em kantri i nogat ol ples na marasin blong halivim ol manmeri i gat sik kensa.

AMMUNITION FOR APEC
Papua Niugini Difens Fos tete i kisim ol katres we Indonesia Nesenel Militri i givim, aninit long wok halivim blong em long sait blong APEC.
Displa ol katres, em Difens fos bai yusim long paiarim ol gan long tok welkam long ol 21 wol lida, taim ol i kamap long Pot Mosbi, long mun i kam.
Ambeseda blong Indonesia long PNG, RONALD MANIK, i tok sapot blong ol bai halivim long strongim pasin pren namel long gavman blong tupla kantri.

NORMAL BUSINESS DAY
Bisnis Kaunsol blong Madang i tok ol i tok wanbel olsem displa wik Fraide, em bai wanpla wok de tasol.
Ol i givim displa toksave i go aut, bihain long ol lain memba blong Oposisen i singaut long ol wokmanmeri long kantri long noken go long wok long Fraide.
Presiden blong Madang Semba ov Komes, KEVIN MURRAY, i tok ol wokmanmeri husat i no go long wok long nem blong displa straik singaut, bai ol i no inap kisim pei.
Murray i tok ol i luksave long astingting blong displa singaut, tasol nau yet, ol bisnis i kisim taim tu, na em bai hat long ol i pasim dua wanpla dei, na lusim moni.

EM TASOL NIUS LONG TOK PISIN, Goodnight tru.

- visit us on http// www.emtv.com.pg for more news....

24 Oktoba | EMTV Nesenel Nius Long Tok Pisin
164 views	121 followers
2 Likes	0 Dislikes
Film & Animation	Upload TimePublished on 24 Oct 2018

Related keywords